сәуле жарқылының зақымы

ядролық жарылыс қуатының 40 пайызы кететін зақымдаушы фактор. Негізгі көзі — отты шар (әуедегі жарылыста) немесе отты жарты шар (жердегі жарылыс кезінде). Қызуы күн сәулесінен ондаған есе қуатты. Отты шардың сәулесі шарпып, кейде өрт тудырады. Сондай-ақ ол қорғанбаған адамдарды, малдарды әр түрлі күйікке ұшыратады немесе біраз уақытқа дейін көру қабілетінен айырады. Жарылыс жарқылын көрген мезетте-ақ таяу жердегі адамдар паналайтын орынға жасырыну керек. Егер ондай орындар жақын жерде болмаса, тасалы орынға тығылу керек немесе жерге етпетінен, бет-аузын жерге қарата, көзді жұмып жата қалу керек.